Ёдбуди "Қӯи сафед" - Малика дар Душанбе

Малика Собирова, раққосаи шинохтаи тоҷик, ҳунарпешаи мардумии Иттиҳоди Шӯравӣ, агар умр вафо мекард, 22 майи соли равон 80-сола мешуд. Дар солгарди мавлуди ситораи балети тоҷик, дорандаи ҷоизаи давлатии ба номи Абуабдуллоҳ Рӯдакӣ дар Тоҷикистон дар Театри опера ва белети Душанбе барномаи густурдаи фарҳангӣ баргузор гардид.

1 / 12

Дар Душанбе барномаи фарҳангӣ барои поси хотири Малика Собирова, раққосаи шинохтаи Тоҷикистон ва Иттиҳоди Шӯравӣ баргузор шуд.

2 / 12

Раққосаҳои соҳаи балети Тоҷикистон ва хориҷи он дар ёдбуди Малика Собирова иштирок карданд.

3 / 12

Интизор меравад, ки барномаи ҳунарӣ давоми ду рӯз ба мухлисони ҳунари балет пешниҳод карда шавад.

4 / 12

Агар умр вафо мекард, Малика 22 майи соли равон 80-умин солгарди мавлудашро таҷлил мекард.

5 / 12

Малика, ки миёни мардум "Қӯи сафед" ном бароварда буд, дар 39-солагӣ бар асари саратон даргузашт.

6 / 12

Аммо номашу овозаи ҳунараш на танҳо дар Тоҷикистон балки дар қаламрави собиқ Иттиҳоди Шӯравӣ ва берун аз он боқӣ монд.

7 / 12

Барномаи фарҳангӣ дар ёдбуди ҳунарпешаи шинохта унвони ""Малика: дирӯз, имрӯз ва ҳамеша"-ро гирифт.

8 / 12

Дар ёбдудаш дар инчунин намояндагон аз Ҷопон, Русия ва Ӯзбекистон низ иштирок намуданд.

9 / 12

Таъкид мешавад, ки маҳз Малика санъати балети тоҷикро дар сатҳи ҷаҳонӣ муаррифӣ кард.

10 / 12

Балеринаи тоҷик ба аксари кишварҳои ҷаҳон, Бритониё, Ирландия, Ҷопон, Эрон, Миср, Урупо, Куба, Австралия ва Амрикои Лотинӣ сафарҳои ҳунарӣ доштааст.

11 / 12

Ҳамчунин Малика Собирова бо ҳамсараш, солисти балети ҶШС Тоҷикистон Музаффар Бурҳонов беҳтарин саҳнаҳои худро иҷро кардааст.

12 / 12

Мухлисони ҳунари балет мегӯянд, ҳунари Малика Собоирова номашро дар соҳаи фарҳанг ҷовидонӣ кард.

Малика Собирова 22 майи соли 1942 дар шаҳри Сталинобод ба дунё омадааст. Ӯ аз хурдӣ ошиқи балет будааст ва бо падараш зуд-зуд тамошои ин намуди ҳунар меомадааст.

Соли 1952 Коллеҷи хореографии Ленинград (Академияи балети руси ба номи А. Я. Вагановаи кунунӣ) гурӯҳи тоҷикӣ созмон дод. Собирова барои омӯзиш дар ин коллеҷ пешниҳод шудааст ва тирамоҳи ҳамон сол барои таҳсил ба Ленинград рафтааст.

Пас аз нуҳ сол Малика Собирова балеринаи театри опера ва балети тоҷик шуд ва аллакай дар мавсими аввал нақшҳои марказиро иҷро мекард.

Малика Собирова 27 феврали соли 1982 дар шаҳри Душанбе бар асари бемории саратон даргузашт.

Ёде аз Маликаи рақси балет - гузориши аксӣ