ДУШАНБЕ, 5 май — Sputnik, Петр Акопов. Попи Рум дар мусоҳиба бо хабаргузории “Corriere della Sera” чунин изҳори назар кард, ки ҷаҳони Ғарбро ба ҳайрат овард.
"Шояд ҷакидани НАТО назди дари Русия ҳокими Кремлро мутақоид кард, ки ба ин аккос ба беҳтарин шева бояд вокуниш нишон диҳад ва ба низоъ ворид шавад. Ман дар бораи он ки ин ғазаб дидаву дониста барангехта шуд, чизе намедонам, бинобар ин дар ин бора зуд-зуд аз худ мепурсам. Аммо яқинан касе кӯмак кард, ки ин хашм афрӯхта шавад”, - гуфт ӯ.
Гап сари он нест, ки сарвари ҷаҳони католикӣ ногаҳон тасмим гирифт, Русияро дастгирӣ кунад, албатта манзур ин нест. Фрэнсис ҷангро маҳкум мекунад ва ҳатто мегӯяд, ки мехоҳад, ба Маскав биёяд, то раисҷумҳури Русияро барои боздоштани он мутақоид созад. Аммо дар баробари маҳкум кардани Русия поп ҳамзамон Ғарбро маҳкум мекунад ва ин ба манфиатҳои раҳбарони англосаксонӣ, ки зарурати на танҳо дар инзивоъ қарор додани Русия, балки шикасти онро эълон карда буданд, умуман мувофиқат намекунад. Гузашта аз ин бори нахуст дар таърих аз се мақоми баландпоя дар раҳбарияти ИМА дуро католикҳо – Байден ва раиси палатаи намояндагон Нэнси Пелосӣ ишғол мекунанд.
Гап дар он нест, ки онҳо то чӣ андоза католикҳои содиқ ва боғайратанд, балки дар он аст, ки онҳо ҳамеша ба таври возеҳ эътибори баланди Попи Франсискро эътироф кардаанд. Ва дар ин ҷо маълум мешавад, ки раиси калисои католикӣ на танҳо ҷонибдори инзивои Русия нест, балки ҳадди ақал як қисми гуноҳи низоъро ба гардани худи Ғарб бор мекунад.
Аммо мавқеи Ватикан аслан тааҷҷубовар нест, зеро ҳам Ватикан дар маҷмуъ ва ҳам Попи Франсиск муддати тӯлонист, ки аз версияи англосаксонии ҷаҳонишавӣ пуштибонӣ накардаанд. Калисои католикӣ лоиҳаи ҷаҳонии худро дорад. Лоиҳаи англосаксонӣ аз мессианизми протестантӣ ба вуҷуд омадаасту аз замони инқилоби Фаронса он католикҳоро ба берун рондааст.
Пеш аз ҳама аз ҷаҳони Ғарб, ки мавқеи Ватикан дар он ҷо махсусан баъд аз Ҷанги дуюми ҷахонӣ хеле заиф шуда истодааст. Дар ниҳояти кор католикӣ на бо протестантизм, балки бо радди ҳар гуна арзишҳои динӣ ва парастиши абармарди ҷадид ба пасоинсонгарии зиддинасронӣ иваз мешавад.
Бесабаб нест, ки Фрэнсис "бозори озод"-ро доим танқид карда мегӯяд, "назарияҳои сеҳрнок"-и капитализми бозорӣ барбод рафтааст. Ӯ хоҳони тавсеаи низоми одилонаи иқтисодии муносибатҳо ба ҷойи системаи ҳозира аст, ки ин система иддаи маъдудеро ғанӣ мекунад ва ба фақр доман мезанад. Попи Рум низ эътиқоди Ғарб бо бартарӣ ва ҳаққи таълиму муҷозоти соири мардуму тамаддунҳо бо ташкили "ҷангҳои салибӣ"-и навро дӯст намедорад. Гузашта аз ин Фрэнсис моҳи августи соли гузашта дар мусоҳиба бо радиои испании “Cadena COPE” барои дастгирии мавқеи худ иқтибосеро, ки ба ӯ маъқул буд, овардааст:
“Бояд аз сиёсатҳои ғайримасъулонаи таҳмили арзишҳои дигарон аз берун, талош барои арзишҳои демократӣ дар кишварҳои дигар бар асоси улгӯҳои хориҷӣ, бидуни дар назар гирифтани вижагиҳои таърихӣ, миллӣ, мазҳабӣ ва нодида гирифтани суннатҳои мардумони дигар пешгирӣ кард”.
Попи Рум гуфт, суханони Ангела Меркел, ки ба назари ӯ, "яке аз бузургтарин чеҳраҳои сиёсии ҷаҳон" аст, ҳамчунин бархӯрди ӯ ба вазъе, ки пас аз хуруҷи нерӯҳои Амрико аз Афғонистон дар ҷаҳон ба вуҷуд омад, мавқеи вай дар нисбати вазъро баён мекунад. Чунин мавзеъгирӣ дар ин хусус дар ҳақиқат хуб аст, аммо ин гуна мавзеъро на садри аъзам гирифтааст, балки аз тарафи Владимир Путин дар Маскав дар зимни пазируфтани ӯ матраҳ шуда буд.
Яъне муносибати Ватикан ва Маскав ба ҷаҳонишавии англосаксонӣ назар ба он ки ба назар мерасад, хеле наздиктар аст ва на танҳо аз он сабаб, ки онҳо мухолифи диктаҳои шадиди неруҳои "хайри ҷаҳонӣ" ҳастанд, балки католикҳо ва православҳо бо тамоми ихтилофу зиддиятҳои ҳазорсолаи худ ҳоло аз бисёр ҷиҳат муттаҳид шудаанд, зеро онҳо аз арзишҳои анъанавӣ, динӣ ҳимоят мекунанд.
Иезуит Берголио чун муҳофизи мураккабӣ ва гуногунии тамаддунҳои инсонӣ? Бале, ин барои баъзеҳо чун як таноқуз ба назар мерасад, аммо дар муқобили он қувваҳое, ки таълимоти ҳақиқии "озодӣ ва демократия"-ро доранд ва барномаҳои барои ғайриинсонизудоии комилро рупӯш мекунанд, Ватикан ногузир худро дар ҳамон тарафи сангир мебинад. Мушкилоти таърих? Не, навбати нави он, ки дар он рақибони оштинопазири дирӯза метавонанд ихтилофоти худро ба як сӯ гузошта, якҷоя аз фалокати дар пешистода пешгирӣ намоянд.