ДУШАНБЕ, 16 апр — Sputnik. Нерӯҳои украинӣ дар як шабонарӯз 35 бор ба сӯйи манотиқи Ҷумҳурии Мардумии Донетск оташ кушода, 249 тирандозӣ ва ду сокини осоиштаро маҷруҳ карданд.
Дар ин бора РИА "Новости" бо такя ба дафтари намояндагии ҶМД, дар Маркази муштараки назорат ва ҳамоҳангсозии режими оташбас хабар медиҳад.
"Дар давоми 24 соати охир намояндагӣ аз 35 далели тирпаронӣ аз ҷониби нерӯҳо хабар дод...Дар давоми 24 соати охир дар бораи ду ғайринизомии маҷруҳшуда маълумот гирифта шуд", - омадааст дар хабар.
Гуфта мешавад, ки 12 сохтмони манзил дар ноҳияи Кировскии Донетск, Олександровка ва ҳамчунин як иншооти инфрасохтори шаҳрвандӣ осеб дидаанд.
Ёдовар мешавем, ки Русия рӯзи 24 феврал амалиёти вижаро дар Украина оғоз кард. Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Аммо дар бораи ишғоли Украина сухане нест, таъкид кард раисҷумҳури Русия.
Дар айни замон қувваҳои мусаллаҳи Федератсияи Русия вазифаи асосии марҳилаи аввали амалиёти махсусро анҷом додаанд. Онҳо иқтидори ҷангии Украинаро ба таври назаррас коҳиш доданд.
Ҳадафи аслӣ дар Вазорати дифоъ озодсозии Донбасс номида шуд.
Пас аз оғози амалиёти вижа Маскав ва Киев 4 даври музокироти рӯ ба рӯ баргузор карданд. Ҳайатҳо инчунин якчанд бор онлайнӣ тамос гирифтанд. Ба тарафҳо муяссар гардид, ки бар рӯи баъзе масъалаҳо созиш кунанд.