ДУШАНБЕ, 15 апр — Sputnik. Дар торномаи ширкати ҳавопаймоии "Turkish Airlines" имкони пардохти чиптаҳо бо рубли русӣ дубора пайдо шуд, ин имкон ду моҳи охир дастрас набуд, хабар медиҳад АТОР.
Дар рӯйхати асъорҳои имконпазир (дар кунҷи рости торнома) рамзи рубли русӣ пайдо шуд. Агар онро интихоб кунед, нархҳои чипта бо рубл нишон дода мешаванд.
Пас аз ворид кардани маълумоти шахсии мусофир дар марҳилаи ниҳоии хариди чипта, равзанаи "интихоби усули пардохт" кушода мешавад.
Дар сутуни "корти кредитӣ/дебетӣ" нишонаи системаи миллии пардохтии "Мир" мавҷуд аст. Ҳангоми интихоби корти "Мир" пардохт бо рубл сурат мегирад.
Имконияти истифодаи корти пластикии "UnionPay" алоҳида нишон дода шудааст.
Бо корти "Мир" қаблан низ аз сомонаи "Turkish Airlines" чипта харидан мумкин буд, аммо бо лираи туркӣ.
Ҳоло ҳама чиз осонтар ва роҳаттар шудааст: пардохт тавассути корти "Мир" фавран бо рубл анҷом дода мешавад.
Истифода аз кортҳои "Visa" ва "Mastercard"-и бонкҳои Русия то ҳол ғайриимкон аст.