ДУШАНБЕ, 5 апр — Sputnik. Ғарб саъй дорад, тамоми иштибоҳҳои худро дар сиёсати иқтисодӣ бар дӯши Русия вогузор кунад.
Дар ин бора Владимир Путин дар нишасти марбут ба кишоварзӣ ва саноати хӯрокворӣ гуфт.
Кишвардор қайд кард, ки дар ду соли охир вазъ дар бозори ҷаҳонии озуқаворӣ бадтар шудааст.
"Маҳз дар ду соли ахир иштибоҳҳо дар сиёсатҳои иқтисодӣ, энержӣ ва ғизоии кишварҳои пешрафта боиси якбора боло рафтани қимати маводи ғизоӣ дар саросари ҷаҳон шуд. Ва вазъ танҳо дар ҳафтаҳои ахир бадтар гардид", - таъкид кард Путин.
Вай қайд кард, ки дар пасманзари ҳадди ақалли таъминоти ғизоӣ дар ҷаҳон таҳримҳои нав ҷорӣ мешаванд: кори корхонаҳо ва таъминоти логистикии интиқоли нуриҳо аз Русия ва Беларус манъ шуда, истеҳсоли нуриҳои дохилӣ аз сабаби гаронии нархи гази табиӣ коҳиш меёбад.
Ин ҳам натиҷаи амали кишварҳои ғарбӣ буд, афзуд раҳбари Русия.