ДУШАНБЕ, 30 мар — Sputnik. Дмитрий Медведев, муовини раиси Шӯрои амнияти Русия қайд кардааст, ки низоми молии пешин боқӣ намемонад, кафилони пешин онро аз ҳад зиёд бадном карданд.
“Дар ҳоле ки рақибони мо кори бенатиҷаи худро идома медиҳанд, ҷаҳон тадриҷан ба мантиқи нави муносибатҳои иқтисодии ҷаҳонӣ ва ба сӯйи низоми молии таҷдидшуда ҳаракат мекунад. Ин низом, бешубҳа, бетағйир нахоҳад монд, зеро кафилони пешин худро аз ҳад зиёд ва ҳамчунин созишномаи кӯҳнашудаи Бреттон-Вудсро бадном карданд. Онҳо обрӯи худро бурданд”, - гуфт оқои Медведев дар шабакаи телеграми худ.
Ҳамчунин раисҷумҳури собиқи Русия афзуд, ки эътимод ба асъори захиравӣ коста шудааст ва даст кашидан аз доллар ва евро дар оянда афсона нест.
Вай гуфт, ҳоло дар ҷаҳон давраи асъорҳои минтақаӣ фаро мерасад.
"Ҷаҳон аз хоб бедор мешавад ва эътимод ба асъори захиравӣ мисли меғи саҳар нобуд мешавад. Даст кашидан аз истифодаи доллар ва евро ҳамчун пули асосии захираи ҷаҳон афсона нест”, - қайд кард Дмитрий Медведев.
Вай илова кард, ки инҳо чӣ гуна захираҳо ҳастанд, ки ба иродаи сиёсатмадорони девона, ки ҳозиранд, пули андозсупорандагони худро ба хотири пирӯзии номаълум дар ҷанг "то украинии охир" сарф кунанд, масдуд мешаванд? Дар ин ҳолат ин асъорҳо ба кӣ лозиманд? Ин асъорҳоро ҳатто намехоҳанд барои пардохти интиқоли сӯзишворӣ бигиранд.