ДУШАНБЕ, 20 мар — Sputnik. Оҷонсии обуҳавошиносӣ мегӯяд, дар Наврӯз тоҷикистониён танҳо ду рӯзи аввал метавонанд роҳат ба сайру гашт бароянд. Зеро рӯзҳои 21 ва 22 март ҳаво тағйиёбандаи бебориш пешгӯӣ мешавад.
Дар Душанбе дар ин ду рӯз рӯзона ҳаво то 17-20 ва шабона 4-6 дараҷа гарм мешавад.
Аммо рӯзҳои 23, 24 март боронгариҳо сар мешавад ва ҳарорати ҳаво якбора то як ду дараҷа паст мешавад.
Дар вилояти Суғд низ 23 ва 24 март боришоти борон ва барфи тар пешгӯӣ мешавад. Ҳаворати ҳаво дар ин рӯзҳо рӯзона 3-8 дараҷа гарм, аммо шабона 0-5 дараҷа сардӣ дар назар аст.
Дар маркази ВМКБ низ рӯзҳои 23, 24 март боришоти шадид дар назар аст. Дар аксар минтақаҳои ин вилоят боридани ббарф дар назар аст.
Ҳавои вилояти Хатлон низ баъд аз ду рӯзи аввали ҷашни Наврӯз ноустувор мегардад. Боришоти борон ва ба амал омадани раъду барқ пешгӯӣ мешавад.
Дар ҳамин ҳол, Оҷонсии ҳавошиносӣ хабар дод, ки рӯзи 20 март дар минтақаҳои алоҳидаи кӯҳӣ ва доманакӯҳи ноҳияҳои тобеи марказ, вилоятиҳои Суғду ВМКБ, инчунин дар ноҳияҳои доманакӯҳ ва водибудаи вилояти Хатлон хавфи сар задани зуҳуроти селӣ боқӣ мемонад.
Манбаъ ҳамчунин роҳҳои мошингарди Душанбе - Лахш, Душанбе - Кӯлоб, Душанбе - Варзоб ва Айнӣ - Панҷакентро низ хатарзо гуфт.