ДУШАНБЕ, 27 фев — Sputnik. Бино бар иттилои дафтари матбуоти вазорати меҳнат, муҳоҷират ва шуғли аҳолӣ ахиран дар шаҳри Душагбн ҷаласаи кории Комиссияи байниидоравии Барнома оид ба паст кардани сатҳи шуғли ба қайдгирифтанашуда (ғайрирасмӣ) дар Тоҷикистон барои солҳои 2019-2023 баргузор шуд
Дар ҷаласаи мазкур қайд карда шуд, ки дар давоми се сол сипарӣ гардида, як қатор корҳо ба анҷом расонида шуданд.
“Ҳадафи асосии Барнома ва Нақшаи мазкур ин пеш аз ҳама амалӣ гардонидани сиёсати давлатӣ дар самти мусоидат ба шуғли аҳолӣ, ба шуғли расмӣ ҷалб намудани аҳолии қобили меҳнат, таъмини кафолатҳои меҳнатии кормандон, баҳисобгирии омори дақиқи қувваи корӣ, ғанӣ гардонидани буҷети суғуртаи иҷтимоӣ ва дар ин замина баланд бардоштани ҳифзи иҷтимоии шаҳрвандони Тоҷикистон ба ҳисоб меравад”, - таъкид шудааст дар ҷаласа.
Ҳамчунин қайд карда шудааст, ки вазорат охири ҳар сол доир ба иҷрои қарори мазкур маълумоти ҷамъбастиро таҳлил ва мушиклотро муайян намуда ба Ҳукумати Тоҷикистон гузориш медиҳад.
Зимни ҷаласа намояндагони Кумитаи андози назди Ҳукумати Тоҷикистон, вазоратҳои корҳои дохилӣ, молия ва дигарон доир ба пешгирӣ ва расмикунони шуғли бақайдгирифтанашуда фикру мулоҳизаҳои худро баён карданд.