ДУШАНБЕ, 25 фев — Sputnik. Таҳримҳои як қатор кишварҳои ғарбӣ алайҳи Русия пас аз оғози амалиёти низомӣ дар Украина посух хоҳанд дошт.
Дар ин бора Валентина Матвиенко, раиси Шӯрои федератсия зимни суханронии худ дар ҳамоиши VII байнипарлумонии "Тоҷикистон – Русия: иқтидори ҳамкориҳои байниминтақавӣ" изҳори назар кард.
"Бастаи таҳрими ҷавобӣ омода шудааст, мақомоти Русия тарафҳои заъфи кишварҳои ғарбиро медонанд", - гуфт ӯ.
Матвиенко ҳамчунин изҳори итминон кард, ки тасмим дар бораи боздоштани сертификатсияи "Маҷрои шимолӣ-2" муваққатист.
Вай афзуд, Русия ҳатто пас аз таҳримҳо алайҳи лӯлаи газ ҳам таъминкунандаи боэътимоди газ ба Аврупо буд ва боқӣ мемонад.
Раиси Шӯрои федератсия Валентина Матвиенко ҳамчунин дар бораи мизони табодули коло миёни Тоҷикистон ва Русия изҳори назар кард.
Дар соли 2021 гардиши мол тақрибан ду баробар, 45 фоиз афзуд, гуфт ӯ ва илова кард, ки Русия ҳамчунон шарики асосии тиҷоратии ҷумҳурӣ боқӣ мемонад.