ДУШАНБЕ, 21 фев — Sputnik. Дар вилояти Хатлон киностудияи "Хатлонфилм" таъсис ёфт. Дар ин бора "Авеста" бо истинод ба манбааш менависад.
Муассиси киностудияи калонтарин ширкати "Тоҷикфилм" дар ин минтақаи кишвар буд.
Фаъолияти филиал барои баланд бардоштани маҳорати эҷодию тавлидии мудирон пешбинӣ шудааст. Илова бар ин платформаи нав намоиши филмҳои тоҷикиро васеъ мекунад.
Дар "Хатлонфилм" ният доранд, ки филмҳои бадеӣ ва ҳуҷҷатӣ ба навор гиранд.
Мутахассисон аллакай ба офаридани филми аввалин дар бораи қадимтарин шаҳр дар ин вилоят - Тахти Сангин машғуланд.
Лоиҳаи дигари киностудияи нав филми илмӣ-оммавии "Бешаи палангон" хоҳад шуд.
Филмҳоро як ҳадаф муттаҳид мекунад - дар онҳо коргардонҳо арзишҳои фарҳангӣ ва миллии Тоҷикистонро намоиш медиҳанд.
Киностудия тайёр аст, бо ташкилоту муассисаҳои гуногун хамкорӣ кунад, инчунин барои ба навор гирифтани филм фармоиш қабул кунад.
Ёдовар мешавем, ки дар вилояти Суғд филиали "Тоҷикфилм" фаъолият мекунад. Студияи "Суғдсинамо" соли 2015 бо фармони раисҷумҳури кишвар Эмомалӣ Раҳмон таъсис ёфт.