ДУШАНБЕ, 17 фев — Sputnik. Тоҷикистон ба ҳама гуна таҳаввулоти вазъ дар марз бо Афғонистон омодааст, гуфт як манбаъ дар мақомоти ҳифзи ҳуқуқ.
Дар шарҳи суханони раиси Ситоди кулли артиши толибон Қорӣ Фасеҳуддин Фитрат, ҳамсуҳбати мо гуфт, ки дар ҳоли ҳозир вазъ ором ва таҳти назорат аст, хабар медиҳад ТАСС.
Ба гуфтаи ӯ, иттилооти фармондеҳи афғонистонӣ эҳтимол хусусияти иғвоангезона дорад.
"Низомиёни тоҷик барои таҳияи ҳама гуна сенария дар марз бо Афғонистон омодаанд", - итминон дод ӯ.
Дар ҳамин ҳол як манбаъ афзуд, вазъ дар марз таҳти назорат аст ва ба ташдиди он имкон намедиҳанд.
Зимнан зикр мегардад, ки дар мавриди таҳдид ҷониби Тоҷикистон чораҳои ҷавобӣ меандешанд.
Ёдовар мешавем, ки қаблан дар расонаҳо дар бораи интиқоли воҳидҳои толибон ба шимолу шарқи Афғонистон, ки гӯё "барои ҳифзи марзҳо" будаанд, нашр шуда буд.
Аммо аз кишваре, ки таҳдид метавонад аз он сар шавад, ном бурда нашудааст.
Қобили зикр аст, ки миёни тамоми кишварҳои Осиёи Марказӣ Тоҷикистон бо Афғонистон тӯлонитарин марзри муштаракро дорад. Дарёи Панҷ Тоҷикистонро аз Афғонстон ҷудо мекунад.
Вилоёти Бадахшон, Тахор, Кундуз ва Балхи Афғонстон бо вилоёти Бадахшону Хатлони кишвар ҳаммарз мебошанд.