Маросими ифтитоҳи Бозиҳои зимистонаи олимпӣ дар Пекин - акс

Бозиҳои олимпии зимистона дар шаҳри Пекин, ки аз 4 то 20-уми феврал давом мекунанд, бо иштироки чеҳраҳои шинохтаи бахшҳои мухталиф зимни як рӯйдоди пуршукӯҳ ифтитоҳ ёфтанд
Sputnik
Дар маросими ифтитоҳи XXIV Бозиҳои олимпии зимистона-2022 дар варзишгоҳи "Ошёни паранда"-и Пекин роҳпаймоии ҳайатҳои кишварҳои иштирокдор ва намоиши ҳунарӣ баргузор гардид.
Пекин дар таърихи ҳаракати олимпӣ аввалин шаҳрест, ки ҳам бозиҳои тобистона ва ҳам зимистонаи олимпиро мизбонӣ кардаст.
Дар доираи ин мусобиқаи ҷаҳонӣ варзишгарон аз қариб сад давлати дунё барои 109 медал мусобиқа мекунанд. Мусобиқаи варзишгарон дар намудҳои гуногун, аз ҷумла лижаронӣ, рақси болои ях, бобслей, биатлон, фристайл, ҳоккей ва ғайра дар назар аст.
Маросими ифтитоҳ ва ихтитоми Бозиҳои зимистонаи олимпӣ дар варзишгоҳи “Ошёни паранда" дар Пекин баргузор мешавад.