ДУШАНБЕ, 31 янв - Sputnik. Вазорати энергетика ва захоири оби Тоҷикистон аз афзоиши содироти қувваи барқ хабар дод, иттилоъ додааст хабаргузории "Авесто" дар истинод ба ин вазорат.
Соли гузашта аз Тоҷикистон беш аз 2,4 миллиард кВт-соат нерӯи барқ содирот шудааст, ки нисбат ба соли 2020 911,6 миллион кВт-соат бештар аст.
Тавре Вазорати энергетика ва захираҳои оби Тоҷикистон хабар додааст, дар маҷмуъ 2 миллиарду 439,2 миллион кВт-соат барқ содир шудааст.
Манбаъ хабар додааст, ки содироти барқ ба ду кишвари ҳамсоя сурат гирифтааст.
Харидори аслии аслии нерӯи барқи Тоҷикистон Афғонистон аст, ки дар соли 2021 1 миллиарду 213,1 миллион кВт-соат барқ гирифтааст.
Ҳаҷми фурӯши нерӯи барқ ба Афғонистон 612,2 миллион сомонӣ (54,1 миллион доллар)-ро ташкил додааст.
Ҳамчунин 1 миллиарду 145,7 миллион кВт-соат ба маблағи 259,4 миллион сомонӣ (ҳудуди 23 миллион доллар) ба Ӯзбекистон содир шудааст.
Дар соли 2021 тавлиди нерӯи барқ дар кишвар ба 20 миллиарду 624,6 миллион кВт-соат расид, ки нисбат ба ҳамин давраи соли қаблӣ 853,8 миллион кВт-соат ё 4,3 фоиз зиёд мебошад.
Истеҳсоли нерӯи гармӣ дар соли 2021 1 миллиону 208,6 ҳазор Гкалро ташкил дод, ки нисбат ба соли 2020 46,7 ҳазор Гкал ё 4 дарсад зиёд мебошад.