Нақшҳои хотирмони Куравлев, ки дунёро тарк гуфт

Леонид Куравлёв, ҳунарманди шинохтаи Русия ва Иттиҳоди Шӯравии собиқ дунёро дар соли 86-уми зиндагияш падруд гуфт. Ӯ ки гирифторияш ба коронавирус тасдиқ нашуд, бар асари илтиҳоби вирусӣ даргузаштааст. Куравлев дар ҳудуди 200 филм нақш офаридааст ва Sputnik Тоҷикистон бархе аз аксҳои нақшҳои хотирмони ҳунармандро дар гузориши тасвирие гирд овард.

1 / 10

Шуҳрат барои Леонид Куравлевро нақши Паша Колоколников аз филми "Чунин ҷавоне зиндагӣ дорад" -и Василий Шукшин овард.

2 / 10

Аммо филими "Вий", ки дар он Куравлев нақши Хомаро бозид, солҳо бидуни намоиш дар рафҳо монду аздастрафта маҳсуб мешуд.

3 / 10

"Вий" борҳо чун филми ягонаи ваҳшатноки замони шӯравӣ ёд мешавад. Гарчанде дар назар дошта мешуд, ки онро ҳамчун филми ишқӣ-афсонавӣ ба навор гиранд.

4 / 10

Маҳбубияти бештареро барои Куравлев нақши Шура Балаганов дар филми "Гусолаи тилоӣ" овард.

5 / 10

Дар филми "Бидурахш, бидурахш ситораи ман", Куравлев нақши комиссарро бозид.

6 / 10

Дар силсилафилми "17 лаҳзаи баҳор" Куравлев нақши Курт Айсман, яке аз наздикони Мюлерро иҷро намуд.

Гузариш ба медиабонк

7 / 10

Аз ҷумлаи нақшҳои маъруфи дигар, дузд Жорж Мирославский аз филми "Иван Василевич касбашро тағйир медиҳад" мебошад, ки Леонид Гайдай онро ба навор гирифтааст.

Гузариш ба медиабонк

8 / 10

Нақши дигари офаридаи Куравлев Афанасий Николаевич Боршов аз филми мазҳакавӣ - фоҷиавии "Афоня" - и Георгий Данелия мебошад.

9 / 10

Филми "Мо, имзогузоштаҳо", ки дар он Куравлев нақш офарид, аз офаридаҳои сарироҳӣ мебошад, ки тамоми амалҳо дар дохили қатор сурат мегирифтанд.

10 / 10

Аз охирин нақшҳои Куравлев Барин аз филми "Китоби устоҳо" мебошад.

Гузариш ба медиабонк

Нақшҳои хотирмони Куравлев, ки дунёро тарк гуфт - аксҳо