ДУШАНБЕ, 21 янв - Sputnik. Сафири навтаъйини Ҷопон Тошикиҳиро Аикӣ кори худро аз супоридани эътимоднома ба намояндаи Вазорати умури хориҷии Тоҷикистон шуруъ кард.
Дафтари матбуотии ин ниҳод хабар медиҳад, сафири нави Ҷопон Тошиҳиро Аикӣ ба муовини вазири корҳои хориҷӣ Фарҳод Салим эътимоднома супурд.
Манбаъ меафзояд, дар рафти мулоқот ҷонибҳо перомуни ҳолати кунунии муносибатҳои дуҷониба, дурнамои густариши ҳамкорӣ байни кишварҳо ва масъалаҳои дигарро мавриди таваҷҷуҳ зоҳир намуданд.
Гуфта мешавад, Фарҳод Салим сафири тозатаъйинро табрик намуда, ҷиҳати пешбурди фаъолияти дипломатияш дар Тоҷикистон комёбиҳо таманно кард.
Қаблан сафири Ҷопон дар Тоҷикистон Такаюки Мияшита буд, ки фаъолияти дипломатии ӯ анҷом ёфт.
Моҳи декабр Сироҷиддин Муҳриддин, вазири умури хориҷӣ сафири Ҷопон Такаюки Мияшитаро ба ҳузур пазируфт ва бори охир бо ӯ мулоқот кард.