ДУШАНБЕ, 20 янв — Sputnik. Президент Содир Ҷабборов ба Кумитаи давлатии амнияти миллии Қирғизистон дастур дод, ки дар байни хидматчиёни давлатии ҳамаи сатҳҳо барои мавҷудияти дипломҳои қалбакии ва шаҳрвандии кишварҳои хориҷӣ санҷиши васеъ гузаронад, хабар медиҳад дафтари матбуотии ин идора.
"Солҳои охир ҳолатҳои бо истифода аз дипломи қалбакӣ ба хидмати давлатӣ ворид шудани афрод бештар ба мушоҳида мерасад. Чунин далелҳо аксари вақт мавзуи баҳсҳои фаъол дар ҷомеа гардида, рӯи хидмати давлатӣ соя меафкананд", - омадааст дар хабар.
Ин санҷиш 24 январ оғоз шуда, се моҳ идома хоҳад кард.
Кормандони варақаҳои шахсӣ ва ҳуҷҷатҳои таълимии ҳамаи кормандони давлатиро тафтиш мекунанд.
"Кумитаи давлатии амнияти миллии Қирғизистон аз тамоми ходимони давлат ва вакилони дорои дипломи қалбакӣ даъват мекунад, ки мустақилона мансабҳои худро холӣ кунанд", - гуфта мешавад дар хабар.