ДУШАНБЕ, 14 янв — Sputnik. Дар Украина садҳо низомии ИМА ва Бритониёи Кабир қарор дораду таъминоти силоҳи ғарбӣ ин кишварро ба ҳалли даргирии Донбасс бо зӯр тела медиҳад, изҳор дошт вазири умури хориҷии Русия Сергей Лавров.
"Низомиёни хориҷӣ дар он ҷо ҳузур доранд ва зиёданд. Ҳазор нафар нестанд, ҳамон тавре баъзеҳо иштибоҳан мегӯянд, аммо чандсад нафар амрикоӣ, бритониёӣ ва ғайра он ҷо қарор доранд", - гуфт Лавров зимни нишасти матбуотӣ.
Вазир афзуд, дарк мекунанд, бо таъмини мақомдорони Украина бо аслиҳаи ғарбӣ онҳоро ба сӯйи истифода аз зӯрӣ тела медиҳанд, ки ин шева барои Русия комилан қобили қабул нест.
Ин дар ҳолест, ки қаблан намояндаи расмии Вазорати умури хориҷии Русия Мария Захаров гуфт, низомиёни хориҷӣ дар Донбасс ба фитнаангезӣ машғуланд. Ӯ афзуд, Киев талош дорад, ҳузури нерӯҳои хориҷиро қонунӣ намояд, то созишномаи Минск сарфи назар шавад.
Алексей Полишук, мудири Департаменти дуюми кишварҳои узви ИДМ-и Вазорати умури хориҷии Русия гуфта буд, ки низомиёни ғарбӣ сарбозони украиниро тамрин дода истодаанд, ки ин хилофи созишномаи Минск буда, ба ҳалли масоили Донбасс таъсири манфӣ дорад.