ДУШАНБЕ, 11 янв — Sputnik. Дар Тоҷикистон ба хотири пешгирӣ аз паҳншавии коронавирус аз моҳи марти соли ҷорӣ маъракаи сартосарии ваксиназанӣ миёни сокинони аз 18-сола боло идома дорад.
Чун созмонҳои бонуфузи тандурустӣ ваксиназаниро ягона роҳи пешгирӣ аз ин дард медонанд. Дар Тоҷикистон низ ба ин ақида бовар доранд ва мардум дар раванди моякӯбӣ иштирок мекунанд.
Хадамоти матбуотии Вазорати тандурустии Тоҷикистон дар сафҳаи "Facebook"-и худ видеоеро нашр кардааст, ки дар он дида мешавад, кормандони вазорат ва ҳамзамон пизишкони Бемористони сироятии шаҳри Душанбе бо вояи семи ваксина моякӯӣ мешаванд.
Ваксиназании такрории табибон дар ҳоле сурат мегирад, ки дар ҷаҳон штаммҳои нави коронавирус паҳн мешаванд ва охирин навъи нави он аллакай ба Ӯзбекистон роҳ ёфтааст.
Манбаъ таъкид мекунад, ки то рӯзи 10 январи соли ҷорӣ дар Тоҷикистон бо вояи аввал 66,5 дарсади аҳолӣ ва бо вояи дуюм 56,5 фисади шаҳрвандон моякӯбӣ шудаанд.