ДУШАНБЕ, 30 дек — Sputnik. Донишгоҳи миллии Тоҷикистон аз муваффақияти панҷ донишҷӯи ин боргоҳ хабар медиҳад, ки дар як олимпиадаи байналмилалӣ иштирок намуда ва сазовори ҷойҳои намоён шуданд.
Манбаъ меафзояд, донишҷӯёни тоҷик дар олимпиадаи II байналмилалии интернет - донишҷӯёни "Низоми интихоботии мамлакатҳои ҷаҳон" иштирок намуданд.
Ин мусобиқа аз ҷониби Донишкадаи байналмилалии мониторинги инкишофи демократия, парламентаризм ва риояи ҳуқуқи интихоботии шаҳрвандон - давлатҳои аъзои Ассамблеяи байнипарлумонии ИДМ ва шарикони ғайритиҷоратии "Маркази иттилоотӣ-таҳлилии "Авруосиё-Волга" баргузор гардид.
Аз миёни донишҷӯёни тоҷик Муҳаммад Ибрагимов, ки дар бахши дуюми ин донишгоҳ таҳсил мекунад, сазовори ҷойи аввал шуд.
Ҳамчунин донишҷӯи курси чорум Ромиш Наврӯзов ва донишҷӯи курси се Мубориз Низомов сазовори ҷои дуюм гардиданд. Шерзод Ҳакимов, Тоҷиддин Одиназода ва Динора Қаландарова ҷойи сеюмро аз худ карданд.
Ёдовар мешавем, чанде қабл донишҷӯи курси 4-уми факултети ҳуқуқшиносии Донишгоҳи миллии Тоҷикистон Шамил Абдураҳмонзода дар интернет-олимпиадаи байналмилалии "Низоми интихоботии давлатҳои ҷаҳон", ки дар шаҳри Санкт-Петербург баргузор шуд, сазовори ҷойи дуюм ва дипломи дараҷаи II гардида буд.