ДУШАНБЕ, 14 дек — Sputnik. Тибқи иттилои шабакаи телевизионии маҳаллӣ Channels Television, Нигерия як миллион воксини мӯҳлати истифодааш гузаштаи COVID-19-ро, ки аз ҷониби AstraZeneca истеҳсол шудааст, нест мекунад.
Мақомоти Нигерия гуфтанд, ки дигар ваксинаҳои кӯтоҳмуддатро қабул намекунанд.
Файзал Шуайб, раиси Ожонси миллии рушди кумаки аввалияи беҳдоштӣ гуфтааст, ки дар кишвар ваксинаҳое, ки мӯҳлати истифодаашон гузаштааст, истифода нахоҳад кард.
Шуайб инчунин гуфтааст, ки Нигерия дигар ваксинаҳои муҳлаташ гузаштаро мисли пештара қабул намекунад.
Қаблан Созмони Ҷаҳонии Беҳдошт аз Аврупо даъват карда буд, ки ваксинаҳои зидди COVID-19 ба дигар кишварҳо, аз ҷумла давлатҳои Осиёи Марказӣ нафиристад.
Намояндаи вижаи СҶБ гуфт, ки давлатҳои аврупоӣ дар аввал намехоҳанд, ки ваксинаро мубодила кунанд, дар анборҳо нигоҳ медоранд ва вақте, ки ду ҳафта пеш аз муҳлат боқӣ мемонад, ба кишварҳои ниёзманд мефиристанд.