ДУШАНБЕ, 11 дек — Sputnik. Дар Вилояти Мухтори Кӯҳистони Бадахшон ҳавои тағйирёбандаи бебориш дар назар аст. Ҳаво дар ғарби вилоят шабона 4-9 дараҷа хунук ва рӯзона 4-9 дараҷа гарм мешавад.
Дар шарқи вилоят ҳаво шабона 20-25, дар баъзе минтақаҳо то 28-33 дараҷа сард ва рӯзона 4-9 дараҷа хунук мешавад, хабар медиҳад Ожонси ҳавошиносии кишвар.
Дар вилояти Суғд ҳавои тағйирёбандаи бебориш дар назар буд, дар баъзе ноҳияҳо туман мефарояд. Ҳаво дар водиҳо шабона 2 дараҷа хунук 3 дараҷа гарм ва рӯзона 18-13 дараҷа гарм мешавад.
Дар ноҳияҳои кӯҳӣ ҳаво шабона 3-8 дараҷа хунук ва рӯзона 2-7 дараҷа гарм мешавад.
Дар вилояти Хатлон ҳавои камабр, дар баъзе ҳолатҳо тағйирёбандаи бебориш пешгӯӣ шудааст.
Ин ҷо низ дар баъзе ноҳияҳо меғ мефарояд. Ҳаво дар водиҳо шабона 2 дараҷа хунук 3 дараҷа гарм ва рӯзона 12-17 дараҷа гарм мешавад.
Дар доманакӯҳҳо ҳаво шабона аз 2 дараҷа хунук то 3 дараҷа гарм ва рӯзона 10-15 дараҷа гарм мешавад.
Дар шаҳру ноҳияҳои тобеи марказ ҳавои тағйирёбандаи бебориш пешгӯи шудааст. Ҳаво дар водиҳо шабона 2 дараҷа хунук ва 3 дараҷа гарм ва рӯзона 11-16 дараҷа гарм мешавад.
Дар ноҳияҳои кӯҳӣ ҳаво шабона 2 дараҷа хунук ва 3 дараҷа гарм ва рӯзона 8-13 дараҷа гарм мешавад.
Дар шаҳри Душанбе ҳавои тағйирёбандаи бебориш дар назар аст. Ҳаво шабона аз 1 дараҷа сард то 1 дараҷа гарм ва рӯзона 14-16 дараҷа гарм мешавад.