Муҷоҳид: ДИИШ* дигар таҳдиди бузург барои Афғонистон нест

Сухангӯи толибон гуфтааст, ки дар се моҳи гузашта 670 ҷангҷӯи ДИИШ* гирифтор шудааст
Sputnik
ДУШАНБЕ, 10 дек — Sputnik. Забеҳуллоҳ Муҷоҳид, сухангӯи толибон ба расонаҳо гуфтааст, ки ДИИШ* дигар ба Афғонистон таҳдиди ҷиддӣ намекунад, иттилоъ додааст Sputnik Афғонистон.
Ба гуфтаи оқои Муҷоҳид, дар моҳҳои ахир шумори зиёди террористҳои ДИИШ* дастгир шудаанд.
Ба гуфтаи сухангӯи Толибон, ДИИШ як гурӯҳи хурде аст, ки ҳоло дар Кобул ва Нангарҳор пароканда шудааст.
Муҷоҳид гуфт, даҳҳо паноҳгоҳҳои ин гурӯҳ аз сӯи толибон тахриб шудаанд.
Толибҳо: Иҷоза намедиҳем ДИИШ* ба Эрон осеб бизанад
Аз замони ба қудрат расидани толибон дар Афғонистон, ДИИШ* дар чанд манотиқи ин кишвар амалиётҳои террористӣ анҷом додааст.
Ахиран генерал Фрэнк Маккензи, раиси ситоди фармондеҳии марказии Амрико гуфт, ки хуруҷи Амрико дар моҳи августи соли равон ДИИШ* ва “Ал-қоида” дар хоки Афғонистон андаке рушд карда ва бо хуруҷи нерӯҳои амниятии Амрико аз ин кишвар радёбии ин гурӯҳ низ бо мушкил мувоҷеҳ шудааст.