ДУШАНБЕ, 9 дек — Sputnik. Тақрибан 53 дабистон бинобар бемории коронавирус дар Русия ба таҳсили фосилавӣ гузашт, хабар дод Сергей Шатунов, мудири Департаменти ҳамкориҳои байналмилалӣ ва робита бо ҷомеаи Вазорати маорифи ин кишвар.
"То нуҳуми декабр бо сабаби ҷорӣ кардани маҳдудият дар қаламрави субъектҳои Федератсияи Русия бинобар коронавирус 0,05%-и муассисаҳои таълимӣ, тақрибан 53 муассисаи таълимӣ таътил шуд", - афзуд ӯ.
Ба гуфтаи вай, теъдоди муассисаҳои таълимие, ки дар онҳо синф ё гурӯҳҳо барои карантин баста ва таҳсилоти фосилавӣ ҷорӣ карда шудааст, як дарсад аст.
Аммо аксари макотиби Русия ба таври муқаррарӣ фаъолият мекунанд.
Манбаъ меафзояд, дар макотиби Русия сар аз соли гузашта маҳдудиятҳое, ки ҷорӣ будаанд, то соли 2022 тамдид шудаанд.
Дар Тоҷикистон соли гузашта бинобар авҷи бемории коронавирус мактабу донишгоҳҳоро ба таътили барвақтӣ фиристоданд. Имсол бошад, вазъи коронавирус дар Тоҷикистон беҳтар аст ва донишҷӯёну хонандагон ба таври муқаррарӣ таҳсилашонро идома медиҳанд.