ДУШАНБЕ, 9 дек — Sputnik. Афсонаи асосӣ дар бораи коронавирус ин аст, ки одамон сироятро безарар мешуморанд ва мегӯянд, ки он аз зуком хатарноктар нест.
Дар ин бора мудири озмоишгоҳи биотехнология ва вирусологияи факултаи табиатшиносии Донишгоҳи давлатии Новосибирск, узви вобастаи Академияи илмҳои Русия, профессор Сергей Нетесов иттилоъ дод.
"Ин, тавре ки ман фикр мекунам, афсонаи асосӣ аст, зеро мо ҳоло дар як рӯз ҳазор нафарро аз даст медиҳем", - гуфт мутахассис.
Ба гуфти Нетесов, дар тӯли 50 соли охир ҳеҷ гоҳ ин қадар фавт аз бемории зуком ба қайд гирифта нашудааст.
Афсонаи асосӣ дар бораи коронавирус ин аст, ки ваксиназанӣ пандемияро бознамедорад, гуфт вирусшинос ва мутахассиси бемориҳои сироятӣ Николай Малишев дар мусоҳиба бо URA.RU.
Қаблан директори Маркази тадқиқотии Гамалея Александр Гинтсбург се афсонаи асосиро дар бораи ҳамагирӣ аз байн бурда буд.