ДУШАНБЕ, 7 дек — Sputnik. Шоми сешанбе, пас азари бориши барф дар се фурудгоҳи Маскав - "Внуково", "Домодедово" ва "Шереметево" беш аз 50 парвоз ба таъхир афтод ё лағв шуд, хабар медиҳад хадамоти "Яндекс.Респисание".
Ба иттилои манбаъ, рӯзи сешанбе, соати 16:45 ба вақти Маскав 15 парвоз дар "Внуково" ба таъхир афтод.
Ҳамчунин дар фурудгоҳи "Домодедово" 17 парвоз ба таъхир афтоду се парвози дигар комилан лағв гашт. Дар "Шереметово" низ 13 парвоз ба таъхир ва се парвози дигар пурра аз ҷадвал бардошта шуд.
Қаблан Евгений Тишковетс, корманди пешбари маркази обуҳавоии "Фобос" ба хабаргузории РИА "Новости" гуфта буд, ки шадидтарин бориши барф дар таърихи баъдиҷангӣ дар Маскав рӯзи сешанбе сурат мегирад.
Ёдовар мешавем, моҳи гузашта бинобар фаромадани меҳ ҳудуди 100 парвоз аз фурудгоҳҳои Маскав лағв шуда буданд.