ДУШАНБЕ, 1 дек – Sputnik. Бонки миллии Қазоқистон ба муносибати 30-юмин солгарди истиқлоли ин кишвар як пули ҷашнӣ бо акси нахустин раисҷумҳури он Нурсултон Назарбоевро ба муомилот баровардааст, хабар медиҳад Sputnik Қазоқистон.
Қайд карда мешавад, ки ҳангоми таҳияи он бори нахуст дар ҷаҳон тасмаи деметализатсияшуда истифода шудааст.
Дар он аксҳои голографии номиналӣ, рамзи 30-солагии истиқлол ва факсимилеи сарвари давлат Қосимҷомарт Тоқаев мавҷуданд.
Юбилейная банкнота номиналом 20 000 тенге
© Национальный банк Казахстана
Дар рӯи пул рамзҳои давлатии ҷумҳурӣ, порчаҳои ороиши миллӣ ва ашёҳои рамзӣ, аз қабили арк ва муҷассамаи Казоқ Элӣ тасвир шудаанд.
Дар тарафи дигари он акси шаҳри Нурсултон ва қароргоҳи президент дарҷ гардидааст. Акси худи Назарбоев бошад, дар ҳар ду тараф мунташир шудааст.
Юбилейная банкнота номиналом 10 000 тенге, посвященная 25-летию Независимости Республики Казахстан
Бояд гуфт, ин аввалин пуле нест, ки бо акси Нурсултон Назарбоев дар он тасвир мешавад.
Нахустин пули ҷашнӣ бо акси элбасӣ, бо арзиши 10 000 танга соли 2016 ба муомилот бароварда шуда, ба 25-умин солгарди истиқлоли Қазоқистон бахшида шуда буд.
Қаблан Тоҷикистон аз муомилоти пулҳои дорои ҳимояи вижа хабар дода буд.
Муайян шуд, ки пулҳо 80% аз нахи пахта, 20% полимер буда, дараҷаи баланди муҳофизат доранд.