ДУШАНБЕ, 1 дек — Sputnik. Ба гуфтаи ин мақомҳо, ин созмон талош мекунад, то 2331 марказӣ тиббиро дар Афғонистон фаъол нигаҳ доранд
"Мо бо дигар донорҳо, аз қабили Бонки Ҷаҳонӣ, Иттиҳоди Аврупо ва ғайра кор дорем, то марказҳои тиббии коронаиро ба ҷуз аз 2331 маркази тиббии мавҷуда фаъол нигоҳ дорем", - гуфт доктор Ҷамшед, масъули ҳамоҳангии Созмони Ҷаҳонии Беҳдошт дар Афғонистон".
Қаблан Созмони Ҷаҳонии Беҳдошт аз фурӯпошии низоми тандурустии Афғонистон ҳушдор дода ва ишора карда буд, ки аксари кормандони соҳаи тиб маош нагирифтаанд.
“То кунун кумаки 378-миллиондолларӣ барои ҷилавгирӣ аз буҳрони башарӣ ба бахши беҳдоштӣ қатъӣ шудааст ва мо ваъда медиҳем, ки ин корро ба зудӣ анҷом диҳем, то қаноат додани мардуму донорони бештарро ҷазб кунем”, - гуфт доктор Ҷамшед.
Дар ҳамин ҳол раиси барномаи Рушди Созмони Милали Муттаҳид дар Афғонистон дар ҷараёни сафараш ба вилояти Қандаҳор гуфтааст, ки онҳо дар рушди Афғонистон нақши муассир хоҳанд дошт.
"Мехоҳам рӯшан бигӯям, ниҳодҳои СММ, ки намояндагонашон дар ин ҷо ҳастанд, барои бо об ё гандум таъмин кардани шуморе аз мардум кумаки фаврӣ намерасонанд. Мо дар ин ҷо барои он ҳастем, ки таъкид кунем, худи мардум бояд барои зиёд кардани он кор кунанд. Мо як ожонсии рушд ҳастем ва мехоҳем ба шумо дар кори рушд кумак кунем."
Дар ҳамин ҳол волии толибон дар Қандаҳор итминон медиҳад, ки барои созмонҳои имдодии хориҷӣ чораҳои амниятӣ андешида ва замина барои интиқоли кумакҳоро фароҳам мекунад.
Бисёре аз ниҳодҳои Созмони Милал аз фалокати башарӣ дар Афғонистон ҳушдор дода, гуфтаанд, ки дар сурати ироа нашудани кумакҳои башардӯстона ҷони ҳазорон нафар дар хатар аст.