ДУШАНБЕ, 30 ноя — Sputnik. Кремл ҷорӣ кардани ҷарима барои саркашӣ аз ваксиназаниро рад кард, гуфт котиби матбуотии президенти Русия Дмитрий Песков.
Ба гуфти ӯ, Ҳукумати Русия нақша надорад, чун Австрия барои саркашӣ аз ваксина алайҳи коронавирус ҷарима ситонад.
Дар шарҳи изҳороти Александр Шелленберг садри аъзами Австрия дар бораи ҷорӣ кардани ҷарима дар ин кишвар Песков таъкид кард, ки Кремл ба чунин иқдомот иҷозат намедиҳад.
"Не, мо фикр намекунем, ки дар Русия чунин чораҳо ҷорӣ карда мешаванд", - гуфт Песков ба хабарнигорон.
Қаблан нашрияи "Presse" хабар дода буд, дар Австрия онҳое, ки аз ваксинзании ҳатмӣ бар зидди COVID-19 даст кашидаанд, то 7,2 ҳазор евро ҷарима хоҳанд шуд.
Қобили зикр аст, аз моҳи феврали соли 2021 мақомоти Австрия ният доранд, ки мавҷудияти ваксинаи зидди коронавирусро дар кишвар ҳатмӣ эълон кунанд.
Президенти Русия Владимир Путин қаблан гуфта буд, ки тасмим дар бораи гирифтани ваксина алайҳи COVID-19 бояд ихтиёрӣ бошад.
Дар ҳамин ҳол як ҳафта пеш раҳбари Русия ваксинаи нави коронавируси димоғиро озмоиш кард.