ДУШАНБЕ, 28 ноя – Sputnik. Дар Ҷопон коронавирус аз он сабаб нопадид шуд, ки штамми "олуда" -и делта дар ин кишвар паҳн шудааст, изҳор дошт Анча Баранова, доктори илмҳои биологӣ, профессори Мактаби биологияи системаҳои Донишгоҳи Ҷорҷ Мейсон.
Қаблан олимони ҷопонӣ хабар дода буданд, ки коронавирус дар кишварашон худ ба худ нопадид шуд. Ба гуфтаи Баранова, азбаски вирус як "делта" дошт, дар он сафедаи nsp14 ҷамъ шудааст, ки қобилияти ислоҳи мутатсияҳоро муайян мекунад. Аммо азбаски nsp14 "бетартибона" шуд, он чизеро ислоҳ карда натавонист ва хато беназорат афзоиш ёфтанд. Дар натиҷа вирус фавтид.
"Он чӣ, ки дар Ҷопон рух дод, қариб як муъҷиза аст, аммо сабаб дар он буд, ки ин кишвар воқеан дар инзиво аст. Агар ҳамин чиз дар Аврупо рух медод, ҳеҷ таъсире намедошт", - таъкид дошт ӯ.
Ба боварии ин профессор, дар Ҷопон танҳо як навъ вирус роҳ ёфт ва чун кишвар дар инзиво буд, дигар ягон навъи нав ба он ҷо роҳ наёфт. Аммо дар Аврупо навъҳои нави коронавирус зуҳур карданд, ки баъзеи онҳо аз Эрон ва қисмати дигар аз ИМА ворид шуданду дар ин қора бо ҳамдигар "мубодила" карданд.
Ба гуфтаи биолог, чунин ҳолатҳо дар таърих аллакай рух дода буданд, аммо худ ба худ нест шудани коронавирус дар ҷаҳон ғайриимкон аст.