ДУШАНБЕ, 24 ноя — Sputnik. Ҳизби садри аъзами собиқи Олмон Ангела Меркел дар ҷабҳаи мухолиф қарор гирифт.
Мувофиқи маълумоти расмӣ, роҳбари нави Олмон роҳбари Ҳизби сотсиал-демократ Олаф Шолтс хоҳад шуд.
Ниҳоят миёни ҳизбҳои парлумон созишномаи эътилофӣ ба имзо расидааст.
Эътилоф ҳизбҳои сотсиал-демократ, иттифоқ 90, сабз ва озоди демократии Олмонро шомил шудааст.
Дар баробари ин ҳизби Ангела Меркел дар ҷабҳаи мухолиф қарор гирифт. Ҳеҷ нафаре аз Ҳизби насронӣ-демократии Олмон ба ҳайати кабинаи нав дохил нашудааст.
Интихоботи парлумонӣ дар Олмон 26 сентябри соли 2021 баргузор шуд. Натоиҷи муқаддамотии он шаби 27-уми ҳамон моҳ нашр шуд.
Номзадхои асосӣ дар ин интихобот Армин Лашет аз Ҳизби иттиҳоди насронӣ-демократӣ ва иттиҳоди ҷомеаи насронӣ, Олаф Шолтс аз Ҳизби сотсиал-демократи Олмон, Алиса Вайдел аз ҷиноҳи “Ҷойгузин барои Олмон”, Кристиан Линднер аз Ҳизби озоди демократӣ ба ҳисоб мерафтанд.
Тибқи натоиҷи интихобот, дар он Ҳизби сотсиал-демократи Олмон бо дарёфти 25,7 дарсад ё қариб 12 миллион райъ пирӯз шуд.