ДУШАНБЕ, 19 ноя — Sputnik. Беш аз 100 нафар поккорони шаҳри Хуҷанд кӯмакҳои ғизоӣ дарёфт карданд, хабар медиҳад хадамоти матбуотии мақомоти вилояти Суғд.
Гуфта мешавад, ин кумак аз ҷониби масъулин ва кормандони ZET-MOBILE бо дастгирии мақомоти вилояти Суғд ва шаҳри Хуҷанд тақдим шудааст.
Кумаки моддӣ ба поккорони шаҳри Хуҷанд
© Мақомоти иҷроияи ҳокимияти давлатии вилояти Суғд
Ин кумак бахшида ба Рӯзи парчами Тоҷикистон гуфта мешавад, ки аз маводи ниёзи аввал, аз қабили орд, шакар, рӯған, биринҷ, макарон, марҷумак, чойи хушк ва ғайра иборат аст.
26 январи 2021, 19:00
Мақомдорон рӯбандаю назофаткоронро гуфтаанд, ки заҳмати шабонарӯзии ҳар яке аз онҳоро қадр мекунанд.
"Аз фаъолияти бомаром ва самаровари шумоён тозагӣ ва хуррамии маркази маъмурии вилояти Суғд –шаҳри Хуҷанд вобастагии зиёд дорад", - гуфтаанд масъулин.
Манбаъ афзуда, бахусус дар замони паҳншавии бемориҳои сироятӣ мо бояд дар ҷодаи ободонию тозагӣ масъулияти бештарро ҳис намоем.