ДУШАНБЕ, 15 ноя — Sputnik. Пас аз гирифтани ваксина алайҳи бемории коронавирус риоя кардани чанд қавонини асосӣ шарт ва зарур аст, изҳор доштааст Владислав Жемчугов ба радиои Sputnik.
Ба таъкиди ӯ, қабл аз гирифтани ваксина инсон бояд саломатии худро санҷад, зуком ва шамолхӯриро истисно кунед. Агар бемории вазнин дошта бошед, бояд ба духтур муроҷиат кунед.
Ҳамчунин мутахассис зикр намудааст, ки агар дар рӯзи аввали моякӯбӣ нишонаҳои монанд ба зуком пайдо гардад, шахси ваксингирифта набояд хавотир шавад, зеро ин як вокуниши муқаррарии бадан ба вируси воридшуда мебошад.
"Одатан нишонаҳо рӯзи дигар аз байн мераванд", - гуфт Жемчугов
Ба гуфтаи ӯ, иштибоҳи бузургтарин ин аст, ки пас аз гирифтани ваксина инсон бар ин бовар мешавад, ки ӯ сад дарсад аз вируси COVID -19 муҳофизат мешавад, дар ҳоле, ки масуният тадриҷан ташаккул меёбад.
Қаблан мутахассиси тоҷик изҳор дошт, ҳар шаш моҳ касоне, ки ваксина гирифтаанд, бояд аз реваксинатсия гузаранд. Зеро масунияте, ки дар бадани одам пайдо мешавад, то 6 моҳ қобилияти муҳофизатӣ дораду халос.