ДУШАНБЕ, 13 ноя — Sputnik. Владимир Путин, раисҷумҳури Русия гуфт, муҳоҷирон ба далели вуруди бидуни раводид бо Беларус талош доранд, тавассути Минск ба Иттиҳодияи Урупо ворид шаванд.
"Муҳоҷирон аз дигар каналҳо гузаштанд ва он ки онҳо ҳоло аз Беларус гузаштанд, тааҷҷубовар нест. Зеро ба Беларус, чунон ки ба ман Александр Григоревич Лукашенко фаҳмонд, аз кишварҳои аслӣ бидуни раводид ворид мешаванд", - гуфт Владимир Путин дар суҳбат бо шабакаи "Россия 24".
Тайи чанд ҳафтаи ахир чанд ҳазор муҳоҷир дар марзи Беларус ва Лаҳистон ҷамъ омадаанд, то ба кишварҳои Иттиҳодияи Урупо бираванд.
Мақомоти Лаҳистон амнияти сарҳадро таҳким бахшида, низомиёнро гирди ҳам оварда ва аз кӯшиши вуруди муҳоҷирони ғайриқонунӣ ба кишвар ҷилавгирӣ карда, Минскро дар буҳрони муҳоҷират айбдор мекунанд.
Ҳамаи ин иттиҳомотро Белорус рад мекунад ва иддао дорад, ки Лаҳистон муҳоҷиронро иҷборан ихроҷ мекунад.