ДУШАНБЕ, 12 ноя — Sputnik. Саломзода Раҳмиддин Салом директори Муассисаи давлатии "Нақлиёти автомобилӣ ва хизматрасонии логистикӣ" таъйин шуд.
Дар ин бора як манбаъ аз Вазорати нақлиёт ба Sputnik Тоҷикистон хабар дод.
Гуфта мешавад, Саломзодаро вазири нақлиёти кишвар Азим Иброҳим тибқи як фармоиш ба ин маснад таъйин кардааст.
Қаблан роҳбарии ин муассисаро Қурбоналӣ Хизиров бар уҳда дошт.
Саломзода Раҳмиддин фориғ-ут-таҳсили Донишгоҳи техникии Тоҷикистон ба номи академик М.С. Осимӣ ва Донишгоҳи давлатии техникии роҳу нақлиёти Маскав мебошад.
Тайи чанд соли охир Саломзода мудири кафедраи ташкили интиқол ва идора дар нақлиёти ДТТ ба номи академик М. С. Осимӣ буд.