ДУШАНБЕ, 31 окт — Sputnik. Шабонарӯзи гузашта дар Русия дастикам 40 993 нафар гирифтори коронавирус шуд, хабар медиҳад Ситоди фаврии мубориза алайҳи ин вирус.
Ба иттилои манбаъ, ҳамакнун теъдоди умумии гирифторони коронавирус дар Русия ба 8 513 790 нафар расид.
"Дар як рӯзи охир дар Русия ҳолатҳои сирояти нави коронавирус дар 85 минтақа ба 40 993 нафар баробар шудааст", - омадааст дар хабари ситод.
Манбаъ меафзояд, дар 24 соати ахир 27 115 нафар аз бемории мазкур шифо ёфтааст. Теъдоди умумии шифоёфтагон ба 7 358 539 нафар баробар аст.
Гузашта аз ин дар Русия шабонарӯзи гузашта 1158 бемор даргузаштааст. Аз ҷумла дар Маскав 94 мариз, дар Санкт- Петербург 82 ва вилояти Маскав 43 фавт аз коронавирус сабт шудааст.
Дар маҷмуъ аз оғози пандемия 238 538 нафар ҷон бохт, хабар медиҳад ситоди фаврӣ.