ДУШАНБЕ, 30 окт — Sputnik. Бонки содироту воридоти (Эксимбонки) Корея метавонад дар маблағгузории тарҳҳои бузурги нақлиётӣ дар Тоҷикистон ширкат кунад, иттилоъ додааст дафтари матбуотии Вазорати нақлиёт.
Як рӯз пеш дар Душанбе вазири нақлиёти Тоҷикистон Азим Иброҳим бо Чо Ингю, намояндаи Эксимбонки Кореяи Ҷанубӣ мулоқот кард.
Зимни мулоқот ҷонибҳо масъалаҳои роҳандозии ҳамкориҳои дуҷонибаро баррасӣ карданд.
Ҳамин тав, вазири нақлиёт гуфт, пешниҳоди мақомоти Тоҷикистон аз 26 модули роҳу нақлиётӣ иборат буда, барномарезии 5 модули дигар низ шуруъ мешавад.
"Барои оғози татбиқи модулҳои дигар ҳамкорӣ бо шарикони рушд зарур аст. Вазир ба меҳмонон аз Кореяи Ҷанубиро бо дигар лоиҳаҳои Вазорати нақлиёт низ шинос кард", - илова кардааст манбаъ.
Дар ҳамин ҳол Чо Ингю қайд кард, ки Бонки содироту воридоти Кореяи Ҷанубӣ метавонад бо пешниҳоди қарзҳои дарозмуддат лоиҳаҳои бузургро маблағгузорӣ намояд.
Лоиҳаҳои пешниҳодшуда, тавре ки ҷониби Кореяи Ҷанубӣ қайд кардааст, бояд бо Вазорати молия мувофиқа ва сипас барои маблағгузорӣ пешниҳод шаванд.
Қаблан хабар дода шуд, ки миёни Тоҷикистон ва Кореяи Ҷанубӣ ёддошти тафоҳуме ба имзо расид, ки дар он ҷалби сармояи кореягӣ ба иқтисоди ҷумҳурӣ ва иҷрои тарҳҳои муштарак бо ширкати ширкатҳои ин кишвар пешбинӣ шудааст.