ДУШАНБЕ, 29 окт — Sputnik. Тоҷикистон ҳамкориҳои худро дар бахши тиҷорат ва самоягузорӣ бо Итолиё тақвият хоҳад дод, иттилоъ додааст Вазорати умури хориҷии кишвар.
Ин масъала зимни дидори Музаффар Ҳусейнзода, муовини вазири корҳои хориҷӣ бо сафири Итолиё дар Тоҷикистон Агостино Пинна баррасӣ шуд.
Зимни мулоқот ба равобити тиҷоратӣ ва муаррифии имконоти сармоягузории ду кишвар таваҷҷуҳи хоса зоҳир шуд.
Ҳамчунин маълум шуд, ки Итолиё омодагии худро барои мусоидат дар ташкили сафари тоҷирони тоҷик ба ин кишвар дар соли 2022 изҳор кардааст.
Дар ин бора Ҷамшед Ҷумъахонзода, раиси Палатаи савдо ва саноати Тоҷикистон пас аз мулоқот бо мудири Оҷонсии тиҷоратии Итолиё Мартино Кастеллани хабар дод.
Сафар ба тоҷирон имкон медиҳад, шарикони нав пайдо ва масулоти худро дар хоҷир аз кишвар муаррифӣ намоянд.
Ҷониби Тоҷикистон ба меҳмонони итолиёвӣ дар бораи имкониятҳои тиҷоратӣ ва сармоягузорӣ, имтиёзҳо ва минтақаҳои озоди иқтисодии кишвар маълумот дод.
Итолиё ва Тоҷикистон ҳамчунин дар мавриди таҳкими равобити миёни доираҳои тиҷоратӣ, ташкили ҳамоишҳои тиҷорӣ ва намоишгоҳҳои муштарак ба мувофиқа расиданд.