ДУШАНБЕ, 29 окт — Sputnik. Зайниддин Низомхоҷаев, раиси КМИ Ӯзбекистон рӯзи ҷумъа гуфт, дар интихоботи президентии рӯзи 24-уми октябр бо касби 80,12% овозҳо Шавкат Мирзиёев пирӯз шуд.
"Комиссияи марказии интихоботии Ҷумҳурии Ӯзбекистон тасмим гирифт, ки Мирзиёев Шавкат Миромонович пас аз шумориши тамоми бюллетенҳо, 80,12% овозҳоро ба даст оварда, ба мақоми президенти Ҷумҳурии Ӯзбекистон интихобшуда ҳисобида шавад", - гуфт Низомхоҷаев.
Интихоботи президентӣ дар ин кишвар 24 октябр баргузор шуд.
Дар маҷмуъ, дар саросари кишвар беш аз 16 миллион интихобкунанда (80,4%) раъй дод.
Барои курсии раиси давлат панҷ номзад мубориза бурданд. Номзади ҲХДТ Мақсуд Ворисов 6,63%, намояндаи "Миллий тикланиш" Алишер Қодиров 5,48%, номзади Ҳизби экологӣ Нарзулло Обломмуродов 4,14% ва номзади "Адолат" Баҳром Абдуҳалимов 3,39% овоз гирифтанд.