ДУШАНБЕ, 25 окт — Sputnik. Замир Кобулов, намояндаи вижаи Путин дар умури Афғонистон дар нишасти матбуотие гуфт, Русия аз он изҳори таассуф мекунад, ки дар нишасти "формати Маскав" дар бораи Афғонистон тамоми нерӯҳои сиёсии ин кишвар ширкат надоштанд.
"Мо афсӯс мехӯрем, ки натавонистем даъват ва ҳузури нерӯҳои дигари сиёси-қавмиро таъмин кунем", - гуфт дипломат.
Вай афзуд, ки масъалаи музокирот дар оянда низ матраҳ хоҳад буд.
"Сухани охирин дар бораи ҳайат бояд дар ихтиёри афғонҳо боқӣ бимонад", - гуфт намояндаи Вазорати умури хориҷӣ.
Кабулов кайд кард, ки дар ҳайати афғонистонӣ набудани намояндагони қувваҳои дигар ба гуфтушунид дар Маскав таъсире надошт.
Намояндаи вижаи раисҷумҳури Русия дар умури Афғонистон ҳамзамон гуфтааст: "Мо бояд раҳбарони сиёсии қабилаҳоро ҷустуҷӯ кунем, то бо ҳукумати нав гуфтугӯ кунанд".
Ёдовар мешавем, 20 октябр дар Русия нишасти Маскав дар бораи Афғонистон баргузор шуд.
Қаблан гуфта мешуд, ки дар ин нишаст Абдуллоҳ Абдуллоҳ, раиси Шӯрои мусолиҳаи миллӣ ва раисҷумҳури асбақ Ҳомид Карзай ширкат мекунанд, аммо баъдан хабари даъвати онҳо рад шуд.
Гурӯҳи террористии "Толибон"* 15 август, пас аз суқути ҳукумати вақт ва фирори президенти он Ашраф Ғанӣ вориди Кобул шуд.
Ҳафати аввали моҳи сентябр онҳо кобинаи худро эълон карданд, ки бинобар ҳамашумул набуданаш мавриди бархӯрди шадид дар худи Афғонистон ва берун аз он қарор гирифт
Ҳамакнун беш аз ду моҳ аст, ки "Толибон"* қудратро дар даст дорад, аммо то кунун ҳеҷ кишваре давлати онро ба расмият нашинохтааст.
* -гурӯҳи мамнуъ дар Тоҷикистон, Русия ва бархе кишварҳои дигар