ДУШАНБЕ, 21 окт — Sputnik. Дар вилояти Омск арзиши патент барои шуғли шаҳрвандони хориҷӣ тағйир меёбад, хабар медиҳанд расонаҳои маҳаллӣ.
Ҳамин тариқ дар соли 2022 барои муҷаввизи корӣ ҳар моҳ бояд беш аз 4 ҳазор рубл пардохт шавад, дар ҳоле ки дар соли 2021 нарх 3890 рубл буд.
Парлумони минтақа лоиҳаи ин қонунеро дар бораи мушаххас кардани зарфияти минтақаии бозори кор барои соли 2022 тасвиб кард, ки муҳосибаи арзиши патенти шаҳрвандони хориҷиро низ шомил мешавад.
"Теъдоди муқарраршуда ҳамасола қабул мегардад ва қонун имкон медиҳад, ки ҳаҷми андози шаҳрвандони хориҷӣ наздик ба мизони молиёти шаҳрвандони Русия муайян шавад", - шарҳ доданд мақомоти минтақаӣ.
Дар соли 2022 зарфияти минтақаии бозори кор нисбат ба соли 2021. ҳафт фисад афзоиш меёбад.
Ёдовар мешавем, ки дар Русия аз муҳоҷирони Украина, Ӯзбекистон, Тоҷикистон ва Озарбойҷон патент талаб мешавад.
Ба маълумоти Вазорати иқтисоди Русия, соли 2022 ин кишвар аз ҳисоби маблағи патенти муҳоҷирон 90 миллион рубл фоида ба даст меорад.