ДУШАНБЕ, 20 окт — Sputnik. Ҳуҷҷати ягона барои хориҷиён чипе хоҳад дошт, ки он ҷо тамоми маълумоти шахсии муҳоҷир ҷой дода мешавад, гуфт муовини сардори Сарраёсати масъалаҳои муҳоҷирати Вазорати корҳои дохилии Русия Кирилл Адзинов.
Ҳамин тариқ ID-кортҳо барои муҳоҷир маълумоти биометрӣ, инчунин иттилоот дар бораи мақоми шаҳрванди хориҷӣ, раводид ва муҳлати амали онро дар бар мегиранд.
Ба гуфти ӯ, лоиҳаи қонун дар соҳаи муҳоҷират ҷорӣ кардани як ҳуҷҷати тасдиқкунандаи шахсияти хориҷӣ дар Русияро дар назар дорад.
"Он дорои интиқолдиҳандаи электронӣ (чип) бо маълумоти шахсӣ, аз ҷумла маълумоти биометрӣ, иттилоот дар бораи вазъи кунунӣ, раводид ва муҳлати амали он ва ғайра хоҳад буд", - гуфт Адзинов ҳангоми суханронӣ дар Кунгураи байналмилалии туризми тиббӣ.
Ба гуфти намояндаи Вазорати корҳои дохилӣ, мавҷудияти чунин ID-кортҳо гирифтани хидматрасониҳои давлатӣ ва тартиби тасдиқи қонунии будубоши шаҳрванди хориҷӣ дар Русияро сода хоҳад кард.
Пештар хабар дода шуд, ки соли оянда номгӯи хидматрасониҳои онлайни давлатӣ бештар карда мешаванд. Яке аз онҳо барои муҳоҷирони корӣ пешбинӣ хоҳад шуд.
Интизор меравад, ки тавассути он барои хориҷиён ёфтани кори нав осонтар мешавад.