Самираи 9-сола дар ятимхона, дар Кобули Афғонистон. Самира орзу дорад, дар оянда духтур шавад. "Ман мехоҳам ба Ватанам хидмат кунам ва дигаронро аз беморӣ наҷот диҳам. Инчунин мехоҳам, ки духтарони дигар таҳсил кунанд, то онҳо дар оянда мисли ман табиб шаванд", - мегӯяд ӯ бо табассум.
Мутеуллоҳ ва Аминуллоҳ дар дохили ҳуҷраи худ дар ятимхонаи Кобул барои рафтан ба мактаб омодагӣ мегиранд.
Ятимхонаҳои ба ин монанд нақши барҷастаеро дар тарбияи кӯдакон дар Афғонистон мебозанд.
Набудани маблағгузорӣ аҳволи кӯдаконро вахим мекунад.
Мудири ятимхона Аҳмад Халил Маян мегӯяд, "қаблан мо ба онҳо дар як ҳафта ду бор мева ва ду бор гӯшт медодем, аммо акнун як маротиба ё умуман наметавонем онҳоро гӯшту мева бидиҳем".
Гулшан, як корманди ятимхона барои наҳори кӯдакон чой ва нон омода мекунад.
Самираи 9-сола ва дигар кӯдакони ятимхона бо автобус ба мактаб мераванд.
Аҳмад Халил, мудири 40-солаи ятимхона бо духтаре вазифаҳои хонагиро баррасӣ мекунад. Ӯ мегӯяд, пештар фаъолияти ятимхонаро сармоягузорони хориҷӣ дастгирӣ мекарданд, вале ҳоло ҳамаи онҳо кишварро тарк кардаанд, дар чунин ҳол онҳо кӯшиш мекунанд, кори ятимхонаро бо пулу ғизои кам пеш баранд.