ДУШАНБЕ, 11 окт — Sputnik. Русия ва Тоҷикистон дар бораи рушди минтақаҳои озоди иқтисодӣ ёддошти ҳамкорӣ имзо карданд, хабар медиҳад "РИА Новости" бо истинод ба дафтари матбуотии Вазорати рушди иқтисодии ҷумҳурӣ.
Созишнома байни Анҷумани кластерҳо, технопаркҳо ва минтақаҳои махсуси иқтисодии Русия ва МОИ Тоҷикистон Данғара, Суғд, Кӯлоб, Панҷ ва Ишкошим баста шудааст.
Вазорат шарҳ додааст, ки ҷониби Русия дар татбиқи лоиҳа аз ҷониби Барномаи рушди СММ иштирок кардааст.
"Ёддошти ҳамкорӣ дар Душанбе аз ҷониби Анҷумани кластерҳо, технопаркҳо ва минтақаҳои махсуси иқтисодии Русия ва МОИ Данғара, Суғд, Кӯлоб, Панҷ ва Ишкошим ба имзо расидааст, ки ба таҳкими минтақаҳои озоди иқтисодӣ марбут аст",-хабар медиҳад дафтари матбуоти ин ниҳод.
Вазорат афзуд, ки лоиҳаи рушди минтақаҳои озоди иқтисодӣ дар Тоҷикистон идомаи мантиқии фаъолияти анҷуман дар соҳаи машваратҳои байналмилалӣ мебошад. Барнома ба татбиқи Ҳадафҳои рушди устувори СММ то соли 2030 мусоидат мекунад.
Ҳадафи лоиҳа тақвияти зарфияти минтақаҳои озоди иқтисодӣ дар Тоҷикистон тавассути татбиқи равиши кластерӣ ва баланд бардоштани иқтидори минтақаҳои озоди иқтисодӣ дар ҷалби сармояҳое мебошад, ки метавонанд барои таъмини рушди устувори маҳаллӣ ва мусоидат ба таъсиси ҷойҳои нави корӣ истифода шаванд, аст.
Дар доираи кор пешбарӣ, маркетинг ва баланд бардоштани ҷолибияти сармоягузории МОИ, рушди занҷирҳои кооперативии корхонаҳои саноатии Тоҷикистон, ҳавасмандгардонии ҳамкориҳои байналмилалӣ, такмили заминаи меъёрии дахлдор, дастгирии машваратӣ дар назар аст.