ДУШАНБЕ, 6 окт — Sputnik. Қаҳрамони пешини UFC Ҳабиб Нурмуҳаммадов дар саҳифааш дар "Instagram" чанд аксу видеои худ ҳамроҳи ҳамлагари машҳури клуби "Манчестер Юнайтед" Криштиану Роналдуро нашр кардааст.
Паҳлавон дар яке аз наворҳо бо футболбози номӣ "чашмҷанг" мекунад.
"Беҳтаринӣ, ба ҳамин кори худ идома бидеҳ, қаҳрамон. Ту ба миллионҳо одамон дар саросари ҷаҳон илҳом мебахшӣ",-навиштааст варзишкори русиягӣ дар шарҳи аксҳояш.
Дар аксҳои дигар Ҳабиб Нурмуҳаммадов гуиё бо Криштиану Роналду куштӣ мегирад.
Ин дар ҳолест, ки Нурмуҳаммадов аз клуби "Манчестер Юнайтед" боздид кард ва бо футболбозони номии ин даста аз ҷумла, Погба, Рио Фердинанд ва Алекс Фергюсон дидору мулоқот намуд.
Рӯзҳои истироҳат Ҳабиб якбора дар чанд вохӯрии дастаҳои футболи Бритониё ширкат кард.