Роҳи Хоруғ қисман барои ду рӯз масдуд мешавад

Роҳи маркази Вилояти Мухтори Кӯҳистони Бадахшон қисман барои ду рӯз баста хоҳад шуд
Sputnik
ДУШАНБЕ, 29 сен — Sputnik. Мақомоти Вилояти Мухтори Кӯҳистони Бадахшон аз муваққатан масдуд шудани роҳи шаҳри Хоруғ хабар доданд, иттилоъ медиҳад раёсати БДА-и Тоҷикистон.
Бинобар иттилои ин ниҳод, рӯзҳои 29 ва 30-юм сентябр қисман роҳ дар маркази ВМКБ барои ҳаракати ҳама гуна воситаҳои нақлиёт баста мешавад.
Ифтитоҳи зеристгоҳҳои барқии “Хоруғ” ва “Помир-1” аз ҷониби раисҷумҳур
Манбаъ омили асосии масдуд шудани роҳро ба сафари кории раисҷумҳур Эмомалӣ Раҳмон ба ин минтақа рабт додааст.

"Роҳҳо дар маркази Хоруғ барои ҳаракати воситаҳои нақлиёт рӯзи чоршанбе ва панҷшанбе барои як муддати муайян баста мешаванд",-гуфтанд дар вазорат.

Мақомоти ВМКБ аз соҳибони мошинҳои маҳаллӣ дархост намудаанд, ки давоми ин ду рӯз, ба ҳадди имкон аз истифодаи мошин худдорӣ кунанд.
Сафари Эмомалӣ Раҳмон, президенти Тоҷикистон ба ВМКБ идома дорад.