ДУШАНБЕ, 29 сен — Sputnik. Дар Русия маргумир аз бемории коронавирус рӯ ба афзоиш аст. Давоми ду рӯзи ахир мавориди фавт аз ин вирус ба ҳадди рекордӣ расидааст.
Ситоди фаврии мубориза алайҳи коронавирус хабар медиҳад, ки шабонарӯзи гузашта дастикам 857 нафар мубтало ба ин вирус шуданд.
Дар Русия аз замони авҷи вируси COVID-19 то авохири моҳи сентябр, дар маҷмуъ 206 388 нафар ҷон додаанд.
Маврид ба зикр аст, ки дар Тоҷикистон давоми чанд ҳафта ҳич мавриди ибтилои шаҳрвандон ба ин беморӣ сабт нашудааст.
Дар ҷумҳурӣ ҷамъан 17 084 нафар гирифтори коронавирус шуданд, ки аз ин миён 16 960 нафар шифо ёфта, 124 кас даргузаштанд.
Зимнан ваксинзанӣ, ки роҳи ягонаи шикасти ин вирус гуфта мешавад, дар Тоҷикистон идома дошта, феълан беш аз 2 миллион шаҳрванди аз 18-сола боло ваксина гирифтаанд.