ДУШАНБЕ, 29 сен — Sputnik. Нақшаи ваксинагирӣ дар шаҳри Душанбе 100,4 дарсад иҷро шудааст, мегӯяд Вазорати тандурустии кишвар.
Вазорат ҳамзамон теъдоди умумии нафаронеро, ки дар кишвар ваксина гирифтаанд, 2 398 703 нафар гуфт. Ҳамчунин гуфта мешавад, 1 740 682 нафар аллакай вояи дуюми ваксина алайҳи ин вирусро гирифтаанд.
Манбаъ меафзояд, сокинони кишвар баҳри ҳифзи саломатии худ ва наздиконашон ба муассисаҳои тандурустии маҳалли зисти хеш муроҷиат намуда, ваксинаи зидди ин бемориро мегиранд.
Ёдовар мешавем, ки тибқи қарори Ситоди ҷумҳуриявии мубориза алайҳи бемории коронавирус дар Тоҷикистон, гирифтани ваксина барои шаҳрвандони бештар аз 18-сола ҳатмист.
Ваксина барои шаҳрвандон ройгон аст.