ДУШАНБЕ, 17 сен — Sputnik. Дар Душанбе шаҳрдори Рустам Эмомалӣ ва Дабири кулли Созмони Ҳамкории Шонгҳой Владимир Норов ба сохтмони боғи нави фарҳангию фароғатӣ санги асос гузоштанд, хабар медиҳад шаҳрдории пойтахт.
Гуфта мешавад, ки боғи нави фарҳангию фароғатӣ Боғи СҲШ номида мешавад ва дар атрофи кинотеатру толори консертии "Кохи Боробад", тақрибан дар маркази пойтахт ҷойгир хоҳад шуд.
Шаҳрдорӣ гуфт, ки дар қаламрави боғ намоишгоҳи дутабақа низ қомат меафрозад.
Гуфта мешавад, ҳама кишварҳои узви СҲШ дорои толорҳои ҷудо барои намоишҳо хоҳанд буд, ки бо услуби миллӣ оро дода мешаванд.
Ҳамин тариқ дар Душанбе боз як макони зебои фарҳангӣ - фароғатӣ барои сокинону меҳмонони пойтахт бунёд мешавад.