Дар бӯстонсарои ҳукумат, қароргоҳи шаҳрии президент зиёфати ғайрирасмии сарони кишварҳои СҲШ дар Душанбе баргузор шуд.
Майдони бузург ва тамоми манзара бо рамзҳои ҷашнии 20-солагии Созмони Ҳамкории Шанхай оро дода шуда буд.
Шоми ғайрирасмӣ пас аз нишасти ШОС дар бӯстонсарои ҳукуматӣ дар Душанбе
Сарварони давлатҳо пеш аз зиёфати идона тавонистанд зери фазои бозу гарм қадам задаву бо якдигар дар муҳити ғайрирасмӣ суҳбат кунанд.
Ороиши қароргоҳи ҳукуматӣ бо тамоми меваҳои ширини Тоҷикистон ба шоми дӯстӣ ҳусни дигар зам мекард.
Ба шоми дӯстӣ сарони Беларус Александр Лукашенко, Ӯзбекистон Шавкат Мирзиёев, Қазоқистон Қосим Ҷомарт Тоқаев, Қирғизистон Содир Ҷабборов, сарвазири Ҷумҳурии Исломии Покистон Имрон Хон ва Арманистон Никол Пашинян даъват шуданд.
Дар минтақаи зебоманзари кохи ҳукумат Раҳмон маҳсулоти кишоварзиро барои меҳмонон ба намоиш гузошт.
Ҳазорҳо меваҳои гуногун ва меваҳои хушк, харбузаву тарбуз, анор ва ангур дар баробари таомҳои миллии кишвар бӯстонсарои ҳукуматро оро додаанд.
Меҳмонони шом дар фазои хеле гарми дӯстӣ ва бародарӣ муошират намуда, ба раҳбари Тоҷикистон барои меҳрубонӣ ва меҳмоннавозӣ изҳори сипос карданд.