Эмомалӣ Раҳмон дар майдони марказии Душанбе суханронӣ карда, сокинони пойтахт ва кулли тоҷиконро бо солгарди истиқлолияти давлатӣ табрик гуфт.
Зиёда аз 30 ҳазор сокинони пойтахт барои роҳпаймоии осоишта ба майдон ва хиёбони Рӯдакии пойтахт баромаданд.
Намоиши идона бо ширкати мактаббачагон, донишҷӯён, намояндагони касбу кори гуногун доир шуд.
Роҳпаймоён рамзҳои давлатӣ ва нишони нави 30 -умин солгарди истиқлоли Тоҷикистонро дар даст доштанд.
Роҳпаймоии идона субҳи барвақт дар пойтахти Тоҷикистон оғоз шуд, аммо омодагии ҷиддӣ ба он хеле пеш аз 9 сентябр оғоз шуд.
Кормандони вазорату идораҳо, намояндагони соҳаҳои гуногуни кишвар, ҳама ба роҳбаймоии идона баромаданд.
Роҳпаймоӣ аз хиёбони Рӯдакӣ то кӯчаи Исмоили Сомонӣ доир шуд.
Президент ва меҳмононро инчунин кормандони соҳаи тиб пешвоз гирифтанд, ки бо либоси сафед ба роҳпаймоӣ баромаданд.
Роҳпаймоён ҳамзамон дар даст рақамҳои зарҳалӣ санаи соҳибистиқлолии Тоҷикистон гузаштанд.
Донишҷӯёни муассисаҳои таҳсилоти олӣ, коллеҷҳо ва мактабҳо низ дар даст парчами Тоҷикистон кӯчаи марказии шаҳрро пиёда тай карданд.
Барномаю чорабиниҳо бо ин тамом намешавад ва шоми 9 сентябр боз як консерти бошукӯҳ баргузор мешавад ва шаб осмони Душанбе бо салютзании анъанавии идона мунаввар мешавад.